Монако шаҳзодаси коронавирусдан тузалди
Олам
−
31 Март 2020 4527
Аввалроқ, Монаконинг 62 ёшли шаҳзодаси Альбер II коронавирусга чалингани ҳақида хабар берган эдик.
Бугун, 31 март куни пайдо бўлган хабарга кўра, Альбер II коронавирус инфекциясидан бутунлай соғайган. Бу ҳақда шаҳзода саройининг маъмурияти маълум қилган.
Хабарларга кўра, шифокорлар шаҳзодага карантиндан чиқишига рухсат беришган.
“Шаҳзода бутунлай соғайди ва ўзини яхши ҳис қилмоқда”, дейилади хабарда.
Сўнгги маълумотларга кўра, Монакода 49 нафар шахс коронавирусга чалинган. 1 нафар бемор вафот этган бўлса, 1 нафари соғайиб кетган.
