Мирзиёев Си Цзиньпинни Олий даражали “Дўстлик” ордени билан мукофотлади

Ўзбекистон Шавкат Мирзиёев Хитой Халқ Республикаси раиси Си Цзиньпинни Олий даражали “Дўстлик” ордени билан мукофотлади.

Ўзбекистон Президенти Шавкат Мирзиёев ушбу мукофотни топширар экан, Хитой Раиси икки халқ ўртасидаги кўп асрлик дўстлик ришталари ва ҳар томонлама стратегик шериклик муносабатлари, ишонч ва ўзаро англашувни мустаҳкамлашга, иқтисодий ва маданий-гуманитар алоқаларни кенгайтиришга улкан ҳисса қўшганини қайд этди.

Биргаликдаги саъй-ҳаракатлар ва Хитой етакчисининг алоҳида эътибори туфайли икки мамлакат ўртасидаги муносабатлар мисли кўрилмаган юксак даражага чиққани, мукаммал ва жадал тус касб этгани қайд этилди. Савдо-иқтисодий ва маданий-гуманитар ҳамкорликка оид кенг кўламли дастур ва лойиҳалар фаол амалга оширилаётгани кўрсатиб ўтилди.

Си Цзиньпиннинг Ўзбекистон Республикасининг олий мукофоти билан тақдирланиши унга халқаро миқёсдаги давлат ва сиёсат арбоби сифатида чуқур ҳурмат-эҳтиром ифодасидир.

Хитой Раиси “Олий Даражали Дўстлик” орденига сазовор бўлган биринчи хорижий давлат раҳбари бўлди.