Мирзиёев Ҳиндистон Президенти ва Бош вазирини табриклади

Жамият

−

15 Август 2022 visibility7805 timer1 дақиқа

Ўзбекистон Республикаси Президенти Шавкат Мирзиёев Ҳиндистон Республикаси Президенти Драупади Мурму ва Бош вазири Нарендра Модини ушбу мамлакат мустақиллигининг 75 йиллиги муносабати билан табриклади.

Қутловларда, жумладан, сўнгги йилларда Ўзбекистон-Ҳиндистон стратегик шериклиги барча устувор соҳаларда изчил кенгайиб бораётгани қайд этилиб, биргаликдаги саъй-ҳаракатлар билан ҳамкорлигимиз келгусида ҳам дўст халқларимиз манфаатлари йўлида тараққий этиб боришига ишонч билдирилган.

Шавкат Мирзиёев Ҳиндистон халқига тинчлик, равнақ ва фаровонлик тилаган.

Маълумот учун, Ҳиндистон 1947 йил 15 августда Буюк Британиядан мустақилликка эришган. Бу йил мамлакат мустақиллигининг 75 йиллигини нишонламоқда.

Мақола муаллифи