Meta 375 млн доллар жаримага тортилди

Meta платформаси болаларнинг руҳий саломатлигига атайлаб зарар етказганлиги ва болаларни жинсий эксплуатация қилиш ҳақидаги маълумотларни яширганлиги аниқлангандан кейин 375 миллион доллар жаримага тортилди. Бу ҳақда “Euronews” хабар берди. 

Маълум бўлишича, АҚШ суд ҳайъати Meta болаларнинг заифликлари ва тажрибасизлигидан ноҳақ фойдаланган ҳолда “виждонсиз” савдо амалиётлари билан шуғулланганини аниқлаган.

Ҳакамлар ҳайъати бугун, 24 март куни чиқарилган қарорда Meta платформаси болаларнинг руҳий саломатлигига атайлаб зарар етказганлиги ва болаларни жинсий эксплуатация қилиш ҳақидаги маълумотларни яширганлиги аниқлангандан сўнг унга 375 млн доллар миқдорида жарима солган.

Meta вакили ҳукмга қўшилмаслигини ва апелляция шикояти беришини айтган. 

“Биз платформаларимизда одамлар хавфсизлигини таъминлаш учун астойдил ҳаракат қиламиз ва ёмон актёрларни ёки зарарли контентни аниқлаш ва олиб ташлашдаги қийинчиликларни аниқ биламиз. Биз ўзимизни қатъий ҳимоя қилишда давом этамиз ва ўсмирларни онлайн ҳимоя қилиш борасидаги тажрибамизга ишончимиз комил”, деган компания вакили.

Ушбу суд жараёнининг иккинчи босқичи май ойида бўлиб ўтади. Унда судья Meta платформалари “жамоатчиликни безовта қилувчи” эканлиги ва зарарларни бартараф этиш учун давлат дастурлари учун пул тўлаши кераклиги тўғрисида қарор қабул қилишини айтган.

Эслатиб ўтамиз, аввалроқ Ирландия Илон Маскнинг Grok сунъий интеллекти ёрдамида яратилган жинсий тасвирлар бўйича кенг кўламли текширув бошлагани ҳақида хабар берилганди.