Месси янги клубида қачон илк ўйинини ўтказиши маълум бўлди
Спорт
−
21 Июнь 2023 7894 1 дақиқа
Аргентиналик ҳужумчи Лионель Месси 21 июль куни АҚШнинг “Интер Майами” клубида дебют ўйинини ўтказади. Бу ҳақда ESPN хабар берди.
Манбага кўра, футболчи Лигалар кубоги турнири гуруҳ босқичида Мексиканинг “Круз Асул” жамоасига қарши баҳсда майдонга тушиши кутилмоқда.
Жорий йилнинг 3 июнь кунида ПСЖ аргентиналик футболчининг кетишини эълон қилди. Ортда қолган мавсумда ҳужумчи парижликлар сафида 38 учрашувда 20 та гол урди ва 19 та голли узатмани амалга оширди.
Эслатиб ўтамиз, 20 июнь куни аргентиналик мураббий Херардо Мартино “Интер Майами” мураббийлик постига олиб келиниши хабар қилинганди. Аргентиналик мутахассис июль ойи бошида Америка клуби сафига келиб қўшилади, чунки айнан июль ойида Мартинонинг иш визаси берилиши кутилмоқда.
Live
Барчаси
