Месси “Интер Майами” тарихига кирди
Спорт
−
03 Август 2023 4559
Аргентиналик футболчи Лионель Месси янги клуби “Интер Майами” сафида кетма-кет икки ўйинда дубль қайд этиб, клуб тарихига кирди.
“Интер Майами”нинг Лига кубоги 1/16 финали доирасидаги “Орландо”га қарши ўйинида (3:1) футболчи дублга эришди. Бунгача у “Атланта”га қарши ўйинда ҳам иккита гол урганди.
Шундай қилиб, Месси – “Интер Майами” тарихида кетма-кет икки ўйинда биттадан кўп гол урган биринчи футболчига айланди. Умумий ҳисобда Месси клуб сафида 3 та ўйинда 5 та гол ва 1 та голли узатма муаллифига айланди.
Эслатиб ўтамиз, аввалроқ Мессининг Флорида клубидаги дебюти Америка телевидениесида рекорд ўрнатгани хабар қилинганди. Футболчининг “Интер Майами”даги дастлабки ўйинини АҚШ телевидениесида 12,5 миллион киши томоша қилган.
Live
Барчаси
