Месси фаолиятини қаерда якунлашини айтди
Спорт
−
13 Июнь 11641
Футбол бўйича Америка чемпионатининг (МЛС) “Интер Майами” клуби ҳужумчиси Лионель Месси фаолиятини айнан ҳозирги клубида якунлайди. Бу ҳақда у ESPN нашрига берган интервьюсида айтиб ўтди.
Мессининг Флорида клуби билан шартномаси 2025 йил охиригача амал қилади.
“Интер Майами” фаолиятимдаги сўнгги клуб бўлади. Мен футбол ўйнашни яхши кўраман ва ундан кўпроқ завқ оламан, футболдаги фаолиятим тугашига оз қолганини тушуниб турибман”, дейди Месси.
Маълумот учун, Месси 36 ёшда ва у саккиз карра “Олтин тўп” соҳиби ҳисобланади. Аргентиналик футболчи 2023 йилнинг ёзидан буён “Интер Майами”да ўйнамоқда. 2003 йилдан 2021 йилгача ҳужумчи “Барселона”да ўйнаган ва испан клубида 10 марта Испания чемпиони, 7 марта Испания Суперкубоги ва мамлакат кубогини қўлга киритган, 4 марта Европа Чемпионлар Лигасида ғолиб чиққан, 3 марта UEFA Суперкубогини қўлга киритган. Шунингдек, Лео клублар ўртасидаги жаҳон чемпионатида ҳам зафар қучгам.
“Барселона”дан кейин Месси ПСЖда ўйнади ва Париж клуби икки марта Франция чемпиони бўлди ва бир марта мамлакат Суперкубогини қўлга киритди. Аргентина терма жамоаси билан форвард 2022 йилги Жаҳон чемпионати ва 2021 йилги Америка кубогида ғолиби бўлди.
Live
Барчаси22 Октябрь
