Месси фаолиятидаги 900-голини урди (видео)

Бугун, 19 март куни Американинг “Интер Майами” клуби ҳужумчиси Лионель Месси КОНКАКАФ Чемпионлар кубоги 1/8 финал жавоб учрашувида “Нэшвилл”га қарши баҳснинг 7-дақиқасида гол уриб, ўзининг фаолиятидаги 900-голини расмийлаштирди.

Месси фаолияти давомида жами 900 та гол урган. Шундан 672 таси “Барселона” сафида, 32 таси “Пари Сен-Жермен” таркибида, 81 таси Аргентина ёшлар ва олимпия жамоалари сафида, 115 таси эса Аргентина миллий терма жамоаси сафида киритилган.

Бироқ, Мессининг ушбу голи жамоасини мусобақадан чиқиб кетишдан қутқара олмади. Учрашув 1:1 ҳисобида якунланди. Икки ўйин натижасига кўра умумий ҳисоб тенг бўлди, бироқ сафарда урилган гол қоидаси сабаб “Нэшвилл” кейинги босқичга йўл олди. Биринчи ўйин 0:0 ҳисобида тугаганди.

Лионель Месси “Барселона” футбол академияси тарбияланувчиси ҳисобланади. У 2003 йилдан 2021 йилгача клубнинг асосий жамоасида тўп суриб, “Барселона” билан 4 марта Чемпионлар Лигаси ғолиби бўлган, 2022 йилда Аргентина билан Жаҳон чемпионатида ғалаба қозонган. Шунингдек, у икки марта Копа Америка ғолиби бўлган ҳамда 8 марта “Олтин тўп” совринини қўлга киритган.

Месси 2023 йилдан буён “Интер Майами” сафида тўп суриб келмоқда.