“Manchester Yunayted” Maguayrga “kulgili” narx belgiladi

“Manchester Yunayted” klubi angliyalik futbolchisi Xarri Maguayrning transfer narxini belgiladi. Bu haqda klub Matbuot xizmati xabar berdi.

Manbaga ko‘ra, “qizil iblislar” himoyachining boshlang‘ich narxini 50 million funt (58,5 mln yevro) deb hisoblamoqda. Maguayr uchun hozircha bu qadar ko‘p pul to‘laydigan klub chiqqani yo‘q va uning “Transfermarkt” portalida ko‘rsatilgan haqiqiy narxi esa 20 million yevroni tashkil qiladi.

Qayd etilishicha, “mankunialiklar” Xarri uchun xaridor qidirmayapti. Chunki uning ketishi klubda himoyachi sotib olish zaruratini paydo qiladi. Biroq uni yaxshi summaga sota olgan taqdirda, klubda yangi va Maguayrdan yaxshiroq himoyachi sotib olish imkoni vujudga keladi. 

Ma’lumot uchun, Erik ten Xag uchun angliyalik himoyachi o‘z pozitsiyasidagi beshinchi tanlov hisoblanadi. U Rafael Varan, Lisandro Martines, Viktor Lindelyof hamda Lyuk Shoularni Xarridan ustun deb biladi.