Махачевни Ҳабибнинг олдида таслим бўлишга мажбур қиламан – Топурия

Грузиялик жангчи ва UFC енгил вазн тоифасидаги чемпиони Илия Топурия ярим ўрта вазн тоифасидаги чемпион Ислом Махачев билан жанг қилиш истагини билдирди. Бу ҳақда “heavy” нашри хабар берди.

“Мен ўзимнинг кучли томонларимни тўғридан тўғри жангларда деб биламан, лекин сўнгги пайтларда тушундимки, бу жамоатчилик кўришни истаган нарса эмас. Лекин Ислом мисолида, эҳтимол, бу жамоатчилик кўришни истаган нарсадир”, дейди Топурия.

Унинг сўзларига кўра, у Махачевни оёқлари билан мағлуб этиб, керакли жойларга 3-4 марта зарба бериш ва кейин тейкдаун орқали уни Ҳабиб Нурмагомедовнинг олдида таслим қилишни режалаштирган:

“Уни оёқларим билан мағлуб этаман, керакли жойларга уч ёки тўрт марта зарба бераман ва кейин тейкдаун билан Ҳабибнинг олдида таслим бўлишга мажбур қиламан”, дейди у.

Маълумот учун, Илия Топурия охирги марта 29 июнь куни октагонга кўтарилган эди. У енгил вазндаги бўш турган чемпионлик камари учун собиқ UFC чемпиони, бразилиялик Чарльз Оливейрага қарши жанг қилди ва рақибини илк раундда нокаут билан мағлуб этди.