Мадрид Киевга 1 млрд евролик ҳарбий ёрдам ваъда қилди
Олам
−
27 Май
3571Испания ҳукумати 2024 йилда Украинага 1 миллиард евро ҳарбий ёрдам ажратишга ваъда берди. Бу ҳақда қироллик Бош вазири Педро Санчес Мадридда Украина Президенти Владимир Зеленский билан қўшма матбуот анжуманида айтиб ўтди.
Сиёсатчилар икки томонлама хавфсизлик шартномасини имзолади.
“Шартнома, шунингдек, ушбу 2 йиллик уруш давомида Испания томонидан кўрсатилган муҳим ёрдамни ва 2024 йил учун 1 миллиард евро миқдорида ҳарбий ёрдам кўрсатиш мажбуриятини ўз ичига олади, бу эса Украинага ўз имкониятларини мустаҳкамлаш имконини беради”, деди Санчес.
“El Pais” нашрининг ёзишича, келишув кенг турдаги ҳарбий техника, жумладан Patriot ракеталарининг янги партияси, 19 та Leopard 2А4 танки, шунингдек, Испанияда ишлаб чиқарилган катта миқдордаги материалларни етказиб беришни ўз ичига олади.
30 июнгача Украинага баъзи қуроллар, жумладан, ракеталар ва танклар юборилиши кутилмоқда. Қуролларнинг муҳим қисми испан компаниялари томонидан ишлаб чиқарилади, шунинг учун уларни етказиб бериш ишлаб чиқариш тугагунига қадар кечиктирилиши мумкин.
Эслатиб ўтамиз, олдинроқ Украина Президенти Владимир Зеленский амалий ташриф билан Мадридга боргани, уни аэропортда Испания қироли Филипп VI кутиб олгани хабар қилинганди.
LiveБарчаси