Лукашенко Украинани Мустақиллик куни билан табриклади

Беларуслик Александр Лукашенко Украина халқини Мустақиллик куни билан табриклади. Табрик матни унинг расмий сайтига жойланган.

 “Беларусь заминида самимий ва меҳнаткаш Украина халқига ҳамиша алоҳида ҳурмат ва илиқлик билан муносабатда бўлган халқларимиз азалдан бирликда куч топиб, биргаликда қувонч ва қайғуни, бошпана ва нонни бўлишиб келган. Уларнинг муваффақиятлари билан фахрланишди, бизни нафақат тақдир ва оилавий ришталар, балки дўст бўлиш ва қўшнилар билан тил топишиш истаги ҳам бирлаштирган”, дейилади табрикда.

 Лукашенко бугунги шароитда славян халқларининг ҳозирги ва келажак авлодлари учун тинчлик тилида гаплашиш нафақат мумкин, балки зарурлигига ишонч билдириб, бошқа муқобил йўл йўқлигини, Беларусь  минтақада имкон қадар тезроқ хавфсизликни таъминлаш учун қўлидан келган барча ишни давом эттиришини таъкидлаган.

Эслатиб ўтамиз, олдинроқ Лукашенко Россия давлат телеканалига берган интервьюсида Беларусь армиясининг деярли учдан бир қисми Украина билан чегарага ўтказилганини айтганди.