Левандовскига Англиядан янги даъвогар пайдо бўлди

Спорт

−

02 Март 2022 visibility5567 timer1 дақиқа

Лондоннинг "Арсенал" клуби "Бавария" ҳужумчиси Роберт Левандовскини ўз сафига қўшиб олмоқчи. Бу ҳақда Британия матбуоти хабар бермоқда.

Левандовскининг "Бавария" билан шартномаси 2023 йилнинг ёзига қадар амал қилади. Томонлар ҳамкорликни узайтириш масаласида ҳали келиша олганича йўқ. Футболчининг ўзи турли таклифларни кўриб чиқишга тайёр.

"Арсенал"дан ташқари Левандовскига "Челси" ва "Атлетико Мадрид" клублари ҳам жиддий қизиқиш билдирган. "Transfermarkt" портали 33 ёшли польшалик ҳужумчини 50 миллион еврога баҳоламоқда.

Шахбоз Қаҳҳоров

Мақола муаллифи