Ла Лига гранди марокашлик футболчи билан ўз сафини кучайтирмоқчи
Спорт
−
12 Декабрь 2022 3336
"Барселона" қишки трансфер ойнасида марокашлик ярим ҳимоячи Аззедин Унаи билан шартнома имзоламоқчи. Бу ҳақда "Mundo Deportivo" нашри хабар берди.
Манбага кўра, "кўк-анорранглилар" 22 ёшли футболчини ярим ҳимоя чизиғини кучайтириш учун арзон вариант сифатида кўриб чиқмоқда.
Ҳозирда ярим ҳимоячи Жаҳон чемпионатининг ярим финалида ўйнайдиган Марокаш терма жамоаси ихтиёрида бўлиб турибди. Аззедин ЖЧда бешта учрашувда майдонга тушди.
Унаи 2021 йилдан бери Франциянинг "Анже" клубида ўйнамоқда. Унинг Франция клуби билан шартномаси 2026 йилда якунига етади.
Эслатиб ўтамиз, ҳозирда "Барселона" Испания чемпионатида пешқадамлик қилмоқда.
Live
БарчасиЖиззахда қимор ўйнаганлар қўлга олинди.
16 Ноябрь
