Льорис “Реал”га таклиф қилинди
Спорт
−
11 Август 2023 3033
Англиянинг “Тоттенхем” клуби дарвозабони Уго Льорисда фаолиятини давом эттириш учун бир нечта вариантлар мавжуд. Бу ҳақда футбол журналисти Фабрис Хокинс ўзининг X (собиқ Twitter) саҳифасида маълум қилди.
Манбага кўра, Льорис хизматларига Италиянинг “Лацио” клуби қизиқмоқда. Дарвозабоннинг ўзи ҳам Рим клубига ўтишга қарши эмас. Қайд этилишича, “Тоттенхем” дарвозабон трансфери бўйича аллақачон музокара бошлаган.
Шунингдек, Льорис хизматлари Тибо Куртуа жароҳатидан сўнг “Реал”га таклиф қилинган, аммо Мадрид клубининг шорт-листида Льориснинг номи келтирилмаган.
36 ёшли Льорис ўтган мавсумда “Тоттенхем” сафида барча турнирларда 31 та ўйинда майдонга тушиб, 45 та гол ўтказиб юборди ва 9 марта ўз дарвозаси дахлсизлигини сақлаб қолди. Унинг клуб билан шартномаси 2024 йилнинг июнигача мўлжалланган.
Live
Барчаси
