Краснодар ўлкасида дрон ҳужуми туфайли нефть базалари ёниб кетди

Краснодар ўлкасида бугун, 6 июлга ўтар кечаси дрон ҳужуми туфайли иккита нефть омбори ёниб кетди ва алоқа минораси зарар кўрди. Бу ҳақда минтақанинг оператив штаби хабар бериб, зарбалар учун Украинани айблади.

Оператив штаб маълумотларига кўра, дронлар икки ҳудудда уриб туширилган. Вайроналар Ейскдаги алоқа минорасига озгина зарар етказган, дрон ҳужуми оқибатида Ленинградская қишлоғидаги нефть омборида ҳам ёқилғи ёниб кетди.

Дастлабки маълумотларга кўра, қурбонлар йўқ.

Россия Мудофаа вазирлиги ва Краснодар ўлкаси расмийлари ҳозирча ҳужумлар ва уларнинг оқибатлари ҳақида ёзмаган.

Россиянинг Украинага кенг кўламли бостириб кириши бошланганидан бери Россия ҳудудлари мунтазам равишда ўққа тутилиб, учувчисиз самолётлар ҳужумига учрамоқда. Россия Мудофаа вазирлиги Украина ҳужумларининг “бостирилгани” ва Россия ҳудуди устида уриб туширилган ракеталар ва учувчисиз самолётлар ҳақида хабар беради. Вайронагарчилик ва қурбонлар бор. Аксарият ҳолларда Киев бу хабарларга изоҳ бермайди.