Коронавирус 4 млн инсонни дунёдан олиб кетди. Энг кўп ўлим ҳолати қаерда?

Дунё бўйлаб коронавирусдан вафот этганларнинг умумий сони 4 миллиондан ошди. Коронавирус бўйича статистика тақдим этувчи платформалар ушбу маълумотни тасдиқламоқда.

Бугун, 6 июнь ҳолатига кўра, дунёда коронавирус инфекцияси туфайли умумий ҳисобда 4 миллион 1769 та ўлим ҳолати қайд этилган. Ушбу вирусга чалинганлар сони эса 184,9 миллионни ташкил қилмоқда.

Эслатиб ўтамиз, COVID-19 билан боғлиқ биринчи ўлим ҳолати 2020 йил 11 январда қайд этилган. 2020 йилнинг 28 сентябрига келиб ушбу касалликдан вафот этганларнинг сони бир миллионга, яна тўрт ойдан сўнг, 2 миллион етди. Жорий йилнинг аперлига келиб эса ушбу кўрсаткич 3 миллиондан ошди.  

Географик талқин

COVID-19 сабаб ўлиш ҳолатлари энг кўп АҚШда қайд этилган — 621,3 минг киши. Бу мамлакатда вирус юқтирганлар 35,5 миллионни ташқил қилади. Иккинчи ўринда Бразилия (юқтирган — 18,8 миллион киши. Вафот этган — 525 мингдан ортиқ), учинчи ўринда Ҳиндистон (юқтирган — 30,6 миллион киши. Вафот этган —  403 минг).

Аҳоли сонига кўра, ўлим даражасининг энг юқори кўрсаткичи Перуда. Бу ерда ҳар 100 минг аҳолига 578 ўлим ҳолати тўғри келади. Шунингдек, Европа мамлакатлари: Венгрия (311), Босния ва Герцеговина (296) ва Чехияда (283) ҳам ушбу кўрсаткич юқори.

Маълумот ўрнида, Ўзбекистонда жорий йил 5 июль ҳолатига кўра, умумий ҳисобда 113 568  киши COVID-19 инфекциясини юқтирган. Касалликдан вафот этганлар сони 754 нафарга етган.