Колумбияда вертолёт қулаб тушиши оқибатида 8 ҳарбий ҳалок бўлди
Олам
−
12:09661
Колумбияда вертолётнинг қулаб тушиши оқибатида саккиз нафар ҳарбий ҳалок бўлди. Бу ҳақда мамлакат Президенти Густаво Петро Х’даги саҳифасида маълум қилди.
Қайд этилишича, кеча, 29 сентябрь куни Венесуэла билан чегара яқинида гуманитар миссияни олиб кетаётган вертолёт Huey II қулаб тушган.
“Саккиз нафар ҳарбий Вичаданинг шарқий департаментида миссияда эди”, дейди Президент Густаво Петро.
Колумбия ҳарбий-ҳаво кучларининг маълум қилишича, вертолётнинг ҳалокатга учраши оқибатида унинг бортидаги барча ходимлар ҳалок бўлган. Вертолёт экипажи тиббий эвакуация миссиясини бажараётган эди.
Билдирилишича, ҳодиса сабаблари ҳали аниқланмаган.
Маълумот учун, бу Колумбияда жорий йилдаги биринчи ҳарбий самолёт ҳалокати эмас. Апрель ойида ҳам мамлакат шимолида вертолёт қулаши оқибатида тўққиз нафар аскар ҳалок бўлганди, февралда эса яна тўрт нафар аскар Панама билан чегарадаги авиабаза йўлида қулаши оқибатида ҳалок бўлганди. Февраль ойида шимоли-ғарбий Антиокияда вертолёт ҳалокати оқибатида беш полициячи ҳам ҳалок бўлган.
Колумбиянинг бир қанча қисмларида қуролли гуруҳлар мамлакат ҳарбийларига қарши ҳудуд ва ҳокимият учун жанг олиб бормоқда, бироқ улар аввалги ҳалокатларда айбланмаган.
Эслатиб ўтамиз, аввалроқ Зимбабве Президенти Эммерсон Мнангагвани олиб учиши керак бўлган вертолёт парвозидан кўп ўтмай ерга қулаганди.
Live
Барчаси
