Кисида ва Байден Россияга қарши санкцияларни сақлаб қолишга келишиб олди

Бугун, 18 май куни АҚШ Президенти Жо Байден Японияга ташрифи давомида Бош вазир Фумио Кисида билан Россияга қарши санкцияларни сақлаб қолиш ва Украинани қўллаб-қувватлашни давом эттиришга келишиб олди. Бу ҳақда Япония Ташқи ишлар вазирлиги баёнотида келтирилган.

“Икки етакчи Россияга қарши қаттиқ санкцияларни сақлаб қолишга ҳамда G7 ва бошқа ҳамфикр давлатлар билан яқин ҳамкорликда Украинани жиддий қўллаб-қувватлашда давом этишга келишиб олди”, дейилади вазирлик баёнотида.

Бундан ташқари, Кисида ва Байден глобал жануб мамлакатлари билан ҳамкорлик қилиш муҳимлигини яна бир бор тасдиқлаган, чунки одатда мустақил ташқи сиёсатга эга ва сиёсий масалаларда нейтрал позицияга эга ривожланаётган давлатлар чақирилади.

Маълумот ўрнида, Жо Байден Иккинчи Жаҳон уруши охирида АҚШ томонидан бомбардимон қилинган Хиросимага ташриф буюрган иккинчи амалдаги АҚШ Президентига айланди. Ундан олдин Барак Обама шаҳарга 2016 йилда келган эди.

Эслатиб ўтамиз, олдинроқ АҚШ Президентининг миллий хавфсизлик бўйича ёрдамчиси Жейк Салливан G7 саммити чоғида Байден АҚШ томонидан Япониянинг Хиросима шаҳри портлатилгани учун узр сўрамоқчи эмаслигини айтган эди.