Ким Чен Ин Жанубий Корея Президентининг узрини қабул қилди

КХДР раҳбари Ким Чен Ин Жанубий Корея Президенти Ли Чже Мённинг Шимолий Корея чегарасини кесиб ўтган дронлар билан боғлиқ ҳодиса учун узрини қабул қилди. Бу ҳақда хабар Марказий телеграф агентлигига хабар берди.

Қайд этилишича, Ким Чен Ин узрни ҳалол ва олижаноб инсоннинг хатти-ҳаракати деб баҳолаган.

“Корея Республикаси тинчлик ва барқарорлик муҳимлиги ҳақида фақат сўзда гапириб қолмай, КХДРга қарши ҳар қандай мулоҳазасиз провокацияларни тўхтатиши ва ўз хавфсизлиги учун ҳар қандай алоқа қилишга бўлган уринишлардан воз кечиши керак”, дейилади хабарда.

Пхеньян агар КХДРнинг дахлсиз суверенитетини бузувчи провокация яна такрорланса, Жанубий Корея тасаввур қилиб бўлмайдиган даражада катта товон тўлаши ҳақида огоҳлантирган.

Эслатиб ўтамиз, аввалроқ Жанубий Корея Президенти Ли Чже Мён Шимолий Корея томон дронлар учирилиши билан боғлиқ ҳодиса учун КХДРдан узр сўраган эди. Ҳодисанинг ўзи 31 март куни содир бўлган. Ҳарбий полиция тезкор гуруҳи юз берган воқеани “якка тартибдаги четга чиқиш” (индивидуал хатолик) деб баҳолаган. Бу Жанубий Корея Президенти дрон билан боғлиқ ҳодиса юзасидан Шимолий Кореяга бевосита афсусланиш билдирган илк ҳолатдир.