Хоразмдаги хусусий боғчада болаларнинг калтаклангани ростми?
Жамият
−
24 Октябрь 2023 6875
Аввалроқ ижтимоий тармоқларда Хонқа туманидаги хусусий боғчаларнинг бирида тарбиячи болаларни калтаклаётгани акс этган видео тарқалганди. Унда хонага кирган тарбиячи болаларнинг бошига уриб, уларни ўрнига ётқизаётганини кўриш мумкин. Вилоят мактабгача ва мактаб таълими бошқармаси бунга муносабат билдирди.
Унга кўра, воқеа "Адолат Динора орзулари" нодавлат таълим муассасасида содир бўлгани маълум қилинди.
"Мазкур ҳолат Хоразм вилояти мактабгача ва мактаб таълими бошқармаси ишчи гуруҳи ҳамда тегишли ваколатли ташкилот ходимлари ҳамкорлигида ўрганилди. Табиячи Қ.З. тарбияланувчиларга қўпол муносабатда бўлгани ва ички меҳнат тартиб-қоидаларини қўпол равишда бузгани учун у билан тузилган меҳнат шартномаси бекор қилинди", дейилади ушбу муносабатда.
