Хитой 2026 йилнинг илк сунъий йўлдошини фазога учирди
Олам
−
14 Январь 892 1 дақиқа
Хитой Аэрокосмик фан ва техника корпорацияси (CASC) 2026 йилдаги илк сунъий йўлдошини фазога учирди. Бу ҳақда “Синьхуа” хабар берди.
Учириш кеча, 13 январь куни куни Пекин вақти билан соат 22:16 да Шимолий Шэньси провинциясидаги Тайюань космодромидан амалга оширилган. Учириш СЗ-6 (Changzheng-6) ракета-ташувчиси ёрдамида бажарилган. “Changzheng” ракеталари оиласи учун бу 624-миссия бўлган.
Yaogan-50-1 деб номланувчи сунъий йўлдош ер ресурсларини баҳолаш, қишлоқ хўжалиги эҳтиёжларини аниқлаш, шунингдек, табиий офатларнинг олдини олиш ва уларнинг оқибатларини юмшатишга хизмат қилади.
Қайд этиш жоиз, Пекин миллий космик дастурини фаол ривожлантирмоқда: метеорологик, телекоммуникация ва навигация сунъий йўлдошлари яратилмоқда, Ой тадқиқотлари учун технологиялар ишлаб чиқилмоқда. Давлат кўмагида хитойлик мутахассислар астероидлар ва Марсни ўрганиш имкониятларини ҳам кўриб чиқмоқда. 2025 йилда Хитой 92 та учиришни амалга ошириб, ўзининг рекордини янгилаган.
Эслатиб ўтамиз, Президенти Шавкат Мирзиёев 26 декабрь куни Олий Мажлис ва Ўзбекистон халқига йўллаган мурожаатномасида Ўзбекистон илк бор ўзининг сунъий йўлдоши ва фазогирини космосга учиришга тайёргарлик кўраётгани ҳақида айтганди.
