Х'да Путиннинг интервьюси 150 миллион марта кўрилди
Бу қизиқ
−
10 Февраль 10268
Америкалик журналист Такер Карлсоннинг Россия Президенти Владимир Путин билан ўтказган интервьюси Х ижтимоий тармоғида эълон қилинганидан кейин 23 соатдан кўпроқ вақт ичида 150 миллиондан ортиқ кўрилди.
860 мингдан ортиқ фойдаланувчи нашрга “ёқди” белгисини қўйган. Репостлар сони 269 мингтани ташкил қилади.
Карлсоннинг YouTube-каналидаги интервьюни кўришлар сони 8,3 миллиондан ошган.
Путиннинг Карлсон билан суҳбати 2 соат-у 6 дақиқа давом этди ва бу вақт ичида Россия раҳбари суҳбатдошининг турли тушунтиришларини ҳисоблаб, 60 га яқин саволга жавоб берди.
Путиннинг Карлсонга берган интервьюси кеча, 9 февраль куни эълон қилинди. Учрашувда Путин журналистга Россия тарихи, НАТО, АҚШ, Хитой, “Шимолий оқим”даги портлашлар, Россияда жосусликда айбланган америкалик журналист Эван Гершковичнинг озод этилиши ҳамда Украинада тинчлик ўрнатилиши каби мавзуларга оид саволларга ҳам жавоб берган.
Live
Барчаси
