Кевин Де Брюйне жиддий жароҳат олди

Италиянинг “Наполи” клуби ярим ҳимоячиси Кевин Де Брюйне мушакларидаги оғир жароҳат сабаб йил охиригача сафдан чиқди. Бельгиялик футболчининг ўнг сонидаги мушакларида “юқори даражадаги ёрилиш” аниқланган. Бу ҳақда клуб матбуот хизмати хабар берди.

Де Брюйне “Наполи”нинг “Интер”га қарши учрашувида жароҳат олиб, ўйиннинг биринчи бўлимидаёқ тиббиёт ходимлари ёрдамида майдонни тарк этган. Шифокорлар томонидан ўтказилган текширув натижасида 34 ёшли футболчининг сон мушаклари жиддий шикастлангани маълум бўлган. Қайд этилишича, Де Брюйне аллақачон реабилитация жараёнини бошлаган. 

Бельгиялик футболчи 2023 йил ёзида ўнг сон пайидаги муаммони бартараф этиш учун жарроҳлик амалиётини ўтказган эди. Шунга қарамай, эски жароҳат энди яна қайталанган бўлиши мумкин.

Италияга келганидан бери Де Брюйне “Наполи” сафида олтита ўйинда майдонга тушиб, тўртта гол, урган уларнинг учтасини эса пенальтидан киритган. Энди эса футболчи жамоасининг муҳим А Серия  ва Европа Чемпионлар лигаси ўйинларини ўтказиб юборади.
 
Маълумот учун, Кевин Де Брюйне 2025 йил ёзида Англиянинг “Манчестер Сити” жамоасини эркин агент сифатида тарк этиб, Италиядаги “Наполи” клубига қўшилган.