Қозоғистонда “қонли январь” воқеаларида ўғирланган қуроллар топилди

north_east

Назарбоев “қонли январь” воқеалари ортида ким турганини айтди

Жорий йилнинг сентябрь ой давомида Қозоғистоннинг 12 та ҳудудида 60 дан ортиқ қурол ва тўрт минг ўқ-дори топилди. Бу ҳақда мамлакатнинг Миллий хавфсизлик қўмитаси хабар берди.

Қидирув тадбирлари Олмаота ва Чимкент шаҳарларида, шунингдек, Атирау, Жамбил, Қарағанда, Қизилўрда, Олмаота, Ғарбий Қозоғистон, Туркистон вилоятларида ҳамда Улитау, Абай ва Еттисув вилоятларида олиб борилган.

Хабарга кўра, тадбирда 62 та қурол, жумладан, учта Калашников автомати, 16 та тўппонча, 43 та ов милтиғи, тўртта граната ва 4000 дан ортиқ ўқ-дори мусодара қилинган. 2022 йилнинг январь ойида ўнта қуролни ўғирлаганларнинг шахси аниқланган.

Бироқ Миллий хавфсизлик қўмитаси ушбу қурол айнан қаерда ва қандай шароитда топилганини очиқламаган.

Уч йилдан ортиқ вақт давомида ҳуқуқ-тартибот идоралари вақти-вақти билан 2022 йил январь воқеалари чоғида ўғирланган қурол ва ўқ-дорилар топилгани ва олиб қўйилгани ҳақида хабар бериб келади. Бироқ жорий йилнинг апрель ойида Ички ишлар вазирлиги ҳуқуқ-тартибот идоралари томонидан 2022 йил январь воқеалари вақтида ўғирланган қуроллардан анча кўп қурол мусодара этилгани ҳақида маълум қилган, бироқ улар тартибсизликлар пайтида қурол дўконларидан ўғирланган қуроллар эканини аниқлай олмаган.

Қўмита маълумотларига кўра, 2022 йилдан буён МХҚ “инқироз даврида” йўқолган 608 та қуролни мусодара қилган. Аввалроқ, “Власти”нинг сўровига жавобан, Ички ишлар вазирлиги январь воқеалари пайтида ўғирланган 1700 дан ортиқ қурол-яроғ қаерда экани маълум эмаслиги ҳақида хабар берган эди.

Ўша йилнинг январь ойида Олмаота ва Қозоғистоннинг бошқа шаҳарларида суюлтирилган газ нархи ошиши сабабли оммавий норозилик намойишлари бўлиб ўтди. Олмаотада намойишлар қуролланган одамлар иштирокидаги тартибсизликларга айланган, намойишчилар ва хавфсизлик кучлари ўртасида тўқнашувлар содир бўлгани хабар қилинган. Расмий маълумотларга кўра, ушбу тартибсизликларда 238 киши ҳалок бўлган.

Эслатиб ўтамиз, аввалроқ Қозоғистоннинг собиқ ички ишлар вазири “январь воқеалари” бўйича қўлга олинганди.