Қозоғистонда амалдорларга совға бериш тақиқланди

Қозоғистонда давлат хизматчилари ва уларнинг оила аъзоларига бирор манфаатни кўзлаб совға бериш ёки моддий рағбатлаштириш ва бирор хизмат кўрсатиш тақиқланди. Бу ҳақда Қозоғистон Президенти Қосим-Жомарт Тўқаев имзолаган “Қозоғистон Республикасининг айрим қонун ҳужжатларига коррупцияга қарши курашиш бўйича ўзгартиш ва қўшимчалар киритиш тўғрисида”ги қонунда белгиланди.

Қонунга мувофиқ коррупцияга қарши қонунчилик давлат бюджетидан молиялаштириладиган лойиҳаларни сотиб олиш ва амалга ошириш бўйича квази-давлат сектори субъектларида асосий қарорларни қабул қилган шахсларга нисбатан қўлланилади.

Шунингдек, қонунда қариндошларнинг битта ташкилотда ишлашининг айрим масалаларини ҳал қилиш, коррупцияга оид қонунбузарликлар ҳақида маълумот бериш, коррупцияга қарши хизмат ходимларининг уй-жой тўловлари, квази-давлат сектори субъектларида комплеанс хизматни ташкил эитш ва бошқалар кўзда тутилган.