Қозоғистон янги йилдан бензин ва дизель экспортини тақиқлаши мумкин

Қозоғистонда 2025 йилнинг 1 январидан бензин ва дизель ёқилғисини Евроосиё иқтисодий ҳамжамиятига (ЕОИИ) аъзо давлатлардан ташқарига олиб чиқишга тақиқ жорий этилади. Бу ҳақда “Zakon” нашри хабар берди.

Билдирилишича, Энергетика вазирлиги, Миллий хавфсизлик қўмитаси, Ички ишлар ва Молия вазирликларининг 2024 йил 8 октябрдаги “Қозоғистон Республикаси ҳудудидан нефть маҳсулотлари экспортининг айрим масалалари тўғрисида”ги қўшма буйруғига тегишли қўшимчалар лойиҳаси тайёрланган.

“2025 йил 1 январдан олти ой муддатга Қозоғистон Республикаси ҳудудидан ЕОИИ божхона ҳудудидан ташқарига енгил дистиллатлар, реактив ёқилғиси ва дизель ёқилғиси, газойл, толуол, ксилен, нефтни олиб чиқишни тақиқлаш жорий этилсин”, дейилади ҳужжатда.

Истиснолар қуйидагилардан иборат: автомобиль ишлаб чиқарувчиси томонидан тақдим этилган газ бакларида экспорт қилиш, қўшимчаларни танлаш бўйича илмий-тадқиқот ишлари, намуналарни малакавий ва лаборатория синовлари, шунингдек, ҳукумат қарори билан гуманитар ёрдам доирасида экспорт қилинадиган нефть маҳсулотларининг айрим турлари учун авиация ёқилғисини экспорт қилиш. 

Энергетика вазирлигининг тушунтиришича, айни пайтда мамлакатда АИ-92 бензини ва дизель ёқилғиси истеъмоли ўзига хос бўлмаган ўсиш ва шунга мос равишда қолдиқлар пасаймоқда.

Нефть маҳсулотларини ЕОИИ ташқарисига олиб чиқишни тақиқлаш Қозоғистон нефтни қайта ишлаш заводларининг нофаол қувватларини ярим тайёр маҳсулотларни қайта ишлаш орқали юклаш ва шунга мос равишда мамлакатда ёқилғи-мойлаш материаллари тақчиллигини камайтириш, шунингдек, божсиз етказиб бериш ва импорт қилинадиган нефть маҳсулотларининг реэкспортига барҳам бериш шартларини бажариш имконини беради.

Лойиҳа 2024 йил 10 декабргача очиқ юридик шахслар порталида жамоатчилик муҳокамаси учун жойлаштирилган.