Қишлоқ хўжалигида 400 миллион долларлик 600 та лойиҳа ишга туширилади

Жамият

−

23 Январь 2023 visibility5537

Ўзбекистон қишлоқ хўжалигида 400 миллион долларлик 600 та лойиҳа ишга туширилади. Бу ҳақда бугун, 23 январь куни Президент Шавкат Мирзиёев бошчилигида пахта етиштиришни қўллаб-қувватлаш масалалари бўйича бўлиб ўтган йиғилишда маълум қилинди.

Қайд этилишича, бу йил 400 миллион долларлик 600 та лойиҳа ишга туширилиб, қўшимча 185 минг тонна сақлаш ва қайта ишлаш қувватлари ҳамда 33 та туманда агрохизмат марказлари ташкил этилади.

Шунингдек, мазкур йиғилишда озиқ-овқат саноатида хорижий давлатлар тажрибаси асосида янги институт ташкил этиш таклифи маъқулланган.

Эслатиб ўтамиз, аввалроқ мазкур йиғилишда пахта далаларини насос билан суғориш учун кетган электр энергияси харажатларнинг 50 фоизи қоплаб берилиши маълум қилинганди.

Мақола муаллифи