Қирғизистон Президентининг самолёти Петербургдан учиб кета олмади
Олам
−
22 Декабрь 2019 10278
Қирғизистон Республикаси Президент Сооронбой Жээнбековнинг самолёти Санкт-Петербургдан учиб кета олмади. Бу ҳақда Спутник Қирғизистон хабар бермоқда.
Россиянинг Санкт-Петербург шаҳрида Мустақил Давлатлар Ҳамдўстлигига аъзо мамлакатлар Давлат раҳбарлари кенгашининг норасмий мажлисидан сўнг Қирғизистон Президентининг ТУ-154М (борт №1) самолёти техник муаммолар туфайли Санкт-Петербург шаҳридан учиб кета олмаган.
Хабарда қайд этилишича, самолёт двигателларидан бири ишга тушмаган. Шунинг учун Президент бошчилигида делегациянинг бир қисми тунда йўловчи самолёт билан Москвага учган, кейин у ердан Бишкекка учиб кетган.
Ҳозирда самолёт тузатилган ва делегациянинг қолган қисми унда Қирғизистонга учади.
20 декабрь куни Сооронбой Жээнбеков Санкт-Петербургда Олий Евросиё иқтисодий кенгашининг навбатдаги йиғилишида, сўнгра МДҲ мамлакатлари раҳбарларининг норасмий саммитида иштирок этди.
Қирғизистон Президенти Ту-154Мда учади. У 1993 йилда ишлаб чиқарилган.
Live
Барчаси
