Қирғиз-қозоқ чегарасида Lexus портлаб кетди (видео)
Олам
−
12 Июнь 2023 7234
Қирғизистон ва Қозоғистон чегарасида Lexus LX 470 автомашинаси аввал ёниб, кейин портлаб кетди. Бу ҳақда “24.kg” нашри хабар берди.
Қайд этилишича, воқеа 9 июнь куни “Оқ-Тилек” назорат-ўтказиш пункти яқинида содир бўлган. Назорат пункти яқинида тўхтаб турган Lexus LX 470 русумли автомашина номаълум сабабларга кўра ёниб кетган. Уни ўз вақтида ўчиришнинг иложи бўлмаган ва у портлаган.
Фавқулодда вазиятлар вазирлиги хабарига кўра, ёнғин бўйича чақирув ўша куни соат 15:37 да келиб тушган. Соат 15:55 да ёнғин ўраб олинган, 16:34 да тўлиқ ўчирилган. Портлаш оқибатида автомобиль ва унинг атрофидаги учта дарахт ёниб кетган. Қурбонлар йўқ. Ёнғин сабаблари аниқланаётгани айтилмоқда.
