Қашқадарёда ҳайдовчи Nexia`да пиёдани босиб кетди
3-саҳифа
−
24 Ноябрь 2020 3814
Жорий йилнинг 18 ноябрь куни Қашқадарё вилояти Ғузор тумани “Совулғор” МФЙ ҳудудида Nexia иштирокида йўл-транспорт ҳодисаси содир бўлиб, бир инсон вафот этди. Бу ҳақда ЙҲХББ хабар қилди.
Маълум бўлишича Nexia ҳайдовчиси қор ёғаётгани сабабли йўлни кесиб ўтаётган фуқарони кўрмасдан уни уриб юборган. Жабрланувчи олган тан жароҳати натижасида шифохонага етмасдан вафот этган.
“Қарши шаҳрига кетаётган эдим. 22:30 лар атрофида кучли қор ёғаётган эди. Олд тарафимдан келаётган машина нурида кўзим қамашиб кетди. Шунда бир нарсанинг устидан босиб ўтганимни сезди. Ортимга қарасам одам экан. Тезда уни шифохонага олиб боришга ҳаракат қилдим”, дейди ҳайдовчи.
Ҳозирда мазкур ҳолат юзасидан вилоят ИИБ томонидан суриштирув ишлари олиб борилмоқда.
Динара Юсупова
Live
Барчаси