Исак камида 1-2 ойга сафдан чиқди

“Ливерпуль” ҳужумчиси Александер Исак оёғи синиши сабабли операция қилинди ва камида бир-икки ойга сафдан чиқди. Бу ҳақда клуби бош мураббийи Арне Слот маълум қилди.

“Бу узоқ давом этадиган жароҳат. У камида бир неча ой майдонга туша олмайди. Бу, аввало, Исак учун, шунингдек, жамоамиз учун ҳам катта умидсизлик”, деди Слот.

Исак жорий йилнинг 20 декабрь куни “Тоттенхэм”га қарши учрашувда (2:1) жароҳат олган эди. Эпизодда ҳимоячи Микки ван де Вен зарбани тўхтатишга уринаётганда Исакнинг оёғи унинг оёқлари орасида қисилиб қолган.

Маълумот учун, мерсисайдликлар Исакни жорий йилнинг сентябрь ойида “Ньюкасл Юнайтед”дан 125 миллион фунт стерлинг (168,8 миллион доллар) эвазига сотиб олган. Ҳозирда жамоа АПЛ турнир жадвалида 29 очко жамғарган ҳолда 5-поғонада бормоқда.

Эслатиб ўтамиз, аввалроқ Бразилиянинг “Сантос” клуби футболчиси Неймар мавсум якунлангандан сўнг медиал менискус йиртилиши сабабли операция  қилинган эди.