“Интер” аргентиналик футболчини қўлга киритмоқчи

Испаниянинг “Реал Мадрид” жамоасининг ижара асосида Италиянинг “Комо” клубида ажойиб ўйин намойиш этаётган аргентиналик футболчиси Нико Паснинг трансфери учун “Интер” курашга қўшилди. Миланликлар футболчи учун 58 миллион евро таклиф қилмоқчи. Бу ҳақда AS нашри хабар берди.

20 ёшли футболчи А Сериянинг дастлабки 7 учрашувида 8 та голда бевосита иштирок этди. Улардан 4 тасини ўзи киритган, яна 4 та голли узатма муаллифи бўлган. Пас “Комо” сафида марказий ва ҳужумкор ярим ҳимоячи сифатида жамоанинг энг муҳим футболчиларидан бирига айланган.
Клуб спорт директори Карлальберто Луди аргентиналик футболчининг “Реал Мадрид”га қайтишини кутаётганини, бироқ бу жараён чўзилмаслигига умид билдирди. Шунга қарамай, “Интер” раҳбарияти Нико Пасни ўз сафига қўшиб олиш учун жиддий ҳаракатга киришган.

Маълумотларга кўра, миланликлар Пас учун 58 миллион евролик таклиф тайёрламоқда. Агар бу таклиф расмийлаштирилса, “Реал Мадрид”нинг Никони қайтариб олиш учун шартномасидаги бандни фаоллаштиришига тўсқинлик қилиши мумкин.

Манбаларга кўра, “Интер”нинг бу қизиқиши бежиз эмас. Клуб вице-президенти Хавьер Занетти аввалроқ Нико Паснинг отаси, собиқ футболчи Пабло Пас билан учрашган ва футболчининг эҳтимолий трансфери тўғрисида суҳбатлашган.  

“Интер” ва “Реал Мадрид” ўртасидаги муносабатлар ижобий бўлса-да, Миланда Пас атрофида рақобат кучайиши кутилмоқда. Музокаралар аллақачон бошланган ва бу трансфер ёзга қадар амалга оширилиши тахмин қилинмоқда.