IBA ЖЧнинг энг яхши боксчи ва жамоасини эълон қилди
Спорт
−
15 Май 2023 22241
Халқаро бокс ассоциацияси (IBA) икки ҳафта давомида Тошкент шаҳри мезбонлик қилган бокс бўйича катталар ўртасидаги Жаҳон чемпионатининг турли номинацияларида энг яхшиларни тақдирлади.
-51 кг вазнда жаҳон чемпионлигини қўлга киритган Ҳасанбой Дўсматов IBA томонидан Жаҳон чемпионатининг энг яхши боксчиси сифатида эътироф этилди.
Мусобақа якунларига кўра, Тўлқин Қиличев мураббийлигидаги Ўзбекистон жамоаси ЖЧнинг энг яхши жамоаси деб топилди.
Маълумот учун, мусобақа мезбонлари турнирда 5 та олтин, 2 та кумуш ва 2 та бронза, жами 9 та медаль умумжамоа ҳисобида 1-ўринни қўлга киритди. 4 та олтин ва 1 та кумуш медалга эга чиққан Қозоғистон жамоаси умумжамоа ҳисобида 2-ўринни банд этган бўлса, 2 та олтин ва 4 та бронза медали билан Россия жамоаси 3-ўрин соҳибига айланди.
Live
Барчаси
