Германия Украинага Marder жанговар машиналарининг янги партиясини юборади

Германиянинг Rheinmetall мудофаа концерни федерал ҳукуматдан Украинага яна 20 та Marder пиёда жанговар машинасини етказиб бериш бўйича буйруқ олди. Бу ҳақда бугун, 9 апрель куни эълон қилинган компания пресс-релизида сўз боради.

Қайд этилишича, ўрта даражадаги икки рақамли миллионлик буюртма март ойида берилган ва жорий йил давомида Киевга қўшимча пиёда жанговар машиналар етказиб берилади.

Rheinmetall аллақачон уч хонали миқдордаги Marder’ни тўғридан-тўғри ва айланма етказиб бериш орқали Украинага ўтказган. Ҳозирда Германия ҳукумати томонидан буюртма қилинган 1А3 модели самарали ва аниқ нишонга олиш учун лазер масофа ўлчагични ўз ичига олади.

“Rheinmetall ўтган йилнинг март ойида Украинага ушбу турдаги дастлабки 20 та машинани топширди. Ўшандан бери ушбу ускунанинг яна бир нечта партияси Киевга ўтказилди, уларнинг ҳар бири икки хонали ҳажмда”, дейилади пресс-релизда.

Rheinmetall концерни Бундесвер арсеналидан эскирган Marder 1А3 пиёда жанговар машиналарини олди. 2022 йил бошида компания ушбу ускунани ўз маблағлари ҳисобидан таъмирлашни бошлади. Унтерлюсс ва Касселдаги заводларда таъмирлаш ишлари бугунги кунгача давом этмоқда.

Бундесвер учун ишлаб чиқилган Marder IFV дунёдаги энг самарали ва ишончли пиёда жанговар машиналаридан бири ҳисобланади. Бундесвер томонидан фойдаланиш пайтида ушбу транспорт воситаси бир неча бор модернизация қилинган ва мустаҳкамланган.

Ҳозирги вақтда Бундесверда 300 дан ортиқ Puma пиёда жанговар машиналари мавжуд бўлиб, улар ушбу турдаги замонавийроқ транспорт воситаларидир ва улар аста-секин Marder’ни ўрнини эгаллаши керак.

Эслатиб ўтамиз, ўтган йилнинг июнь ойида Rheinmetall мудофаа концерни раҳбари Армин Паппергер RND’га берган интервьюсида Украинада қурилаётган заводда энг янги немис Panther KF51 танкини ишлаб чиқариш 15-20 ой ичида бошланиши мумкинлигини айтганди.