Футболчининг ўлимига сабабчи бўлган дарвозабон қамалиши мумкин

Испаниянинг “Андорра” жамоаси дарвозабони Хесус Овоно “Тенерифе” футболчиси Хесус де Мигелнинг ўлими сабаб тўрт йилгача озодликдан маҳрум этилиши мумкин. Бу ҳақда “El Espanol” нашри хабар берди.

Жорий йилнинг 2 ноябрь куни Испания чемпионати иккинчи дивизионидаги учрашувда дарвозабон Хесус Овоно билан “Тенерифе” футболчиси Хесус де Мигель ўртасида тўқнашув содир бўлган. Оқибатда футболчи ҳаётдан кўз юмган.

Испания қонунчилигида қўпол эҳтиётсизлик оқибатида инсон ўлимига сабаб бўлганлик учун жавобгарлик белгиланган. Агар Овоно айбдор деб топилса, у тўрт йилгача қамоқ жазосига ҳукм қилиниши мумкин.

Ҳодиса вақтида Мигель майдон марказида Овоно билан тўқнашган. Дарвозабоннинг тиззаси футболчининг кўкрагига теккан. Ҳакам дарҳол Овонога қизил карточка кўрсатган.

Кейинроқ Мигелнинг юраги тўхтаб қолган. Шифокорлар унинг юрак фаолиятини тиклашга муваффақ бўлган, бироқ футболчи реанимация бўлимида вафот этган.

Маълумот учун, 30 ёшли Мигель 2025 йилдан буён “Тенерифе” шарафини ҳимоя қилиб келаётганди. У жамоа сафида 29 та учрашувда майдонга тушиб, 11 та гол урган.