Футболчилар сотувидан “соққа қилган” “Айнтрахт”

Германиянинг ўртамиёна клублари қаторида эътироф этиладиган ва деярли ҳар трансферлар ойнасида футболчиларни қиммат нархга сотиб, ҳисобини тўлдириб оладиган “Айнтрахт”нинг трансфер сиёсатига назар соламиз.

Яспер Линдстрюм (вингер)

Даниялик футболчи “Айнтрахт” сафига 2021 йилда “Брондбью” клубидан 7 миллион евро эвазига кўчиб ўтганди. 2023 йилнинг ёзига қадар Германия чемпионатида тўп тепган вингер клуб сафида 57 та ўйинда 12 та гол урди. “Айнтрахт” Ясперни 30 миллион еврога “Наполи”га сотиб юборди.

Андре Сильва (ҳужумчи)

Клуб Португалия терма жамоаси ҳужумчиси Андре Сильвани 2019 йилда “Севилья”дан 3 миллион еврога сотиб олди. Сильва клуб таркибида 50 та ўйинда 40 та гол уришга муваффақ бўлди. Шундан сўнг, “Айнтрахт” ҳужумчини 30 миллион еврога “Лейпциг”га сотиб юборди.

Виллиан Пачо (ҳимоячи)

Колумбиялик футболчи 2023 йилда Бельгиянинг “Антверпен” клубидан 14 миллион евро эвазига “Айнтрахт” сафига келиб қўшилади. 2023/24 йилги мавсумда у 33 та ўйинда майдонга тушди. Сўнгра “Айнтрахт” 23 ёшли футболчини 40 миллион еврога ПСЖга сотиб юборади.

Себастьян Аллер (ҳужумчи)

Аллер 2017 йилда Нидерландиянинг “Утрехт” клубидан 12 миллион евро эвазига “Айнтрахт” футболчисига айланган. У немис клуби сафида 60 та ўйинда майдонга тушиб, 24 та гол урди. Кейин “Айнтрахт” 2019 йилда “Вест Хэм”га 50 миллион еврога сотди.

Лука Йович (ҳужумчи)

Хорватиялик футболчи 2017 йилда 22 миллион евро эвазига “Айнтрахт”га келиб қўшилди.  Йович клуб сафида 2 мавсум фаолият олиб борди ва 54 та ўйинда 25 та гол урди. 2019 йилда эса ҳужумчи 63 миллион еврога “Реал Мадрид”га сотилди.

Рандал Коло-Муани (ҳужумчи)

Франциялик ҳужумчи 2022 йилда эркин агент сифатида “Айнтрахт” футболчиcига айланди. 2022/23 йилги мавсумда у немис клуби таркибида 34 та ўйинда майдонга тушиб, 16 маротаба рақиблар дарвозасини ишғол қилган. 2023 йилнинг ёзида “Айнтрахт” Коло-Муанини ПСЖга 95 миллион евро эвазига сотган ва ўз ҳисобини мўмайгина пуллар билан тўлдириб олган.

Омар Мармуш (ҳужумчи) 

Мисрлик футболчи 2023 йилда эркин агент сифатида “Айнтрахт” сафига келиб қўшилади. Мармуш клуб таркибида 46 та ўйинда майдонга тушиб, 27 та гол урди ва 14 та ассист қайд этди. 2025 йилнинг январь ойида у “Манчестер Сити”га бонусларни ҳисобга олганда 75 миллион еврога кўчиб ўтди.