Футбол: Олимпия ўйинларида чорак финал жуфтликлари маълум
Спорт
−
28 Июль 2021 5044
Токио Олимпиадасининг футбол бўйича гуруҳ баҳслари ўз якунига етди. Чорак финалга чиққан жамоалар ўз рақибларини билиб олди.
Қуръа натижасига кўра, Япония - Янги Зеландия, Мексика - Жанубий Корея, Испания - Кот-Д’Ивуар ва Миср - Бразилия ўйинлари бўлиб ўтади.
Аёллар футболида эса, Буюк Британия Австралия билан, Рио Олимпиадасида финалга қадар етиб борган Швеция Япония футболчилари билан, Канада жамоаси Бразилия билан баҳс олиб боради. 4-жуфтлик 2019 йилги Жаҳон чемпионати финалида тўқнаш келган жамоалар — Нидерландия ва АҚШ терма жамолари ҳисобланади.
Чорак финал баҳслари 29-30 июль кунлари бўлиб ўтади.
Рио Олимпиадасининг эркаклар ўртасидаги баҳсларида Бразилия терма жамоаси Германияни енгиб, чемпионликка эришганди. Аёллар ўртасида Германия терма жамоаси Швеция футболчиларини таслим этишни уддалаган эди.
