Франциялик мухлислар Макронга ҳуштакбозлик қилди (видео)
Спорт
−
23 Май 2061 1 дақиқа
Франция Президенти Эммануэль Макрон “Ланс” ва “Ницца” ўртасидаги Франция кубоги финали бошланишидан олдин ҳуштакбозликка учради. Бу ҳақда RMC Sport нашри хабар берди.
Учрашув кеча, 22 май куни Париждаги 80 000 дан ортиқ томошабинга мўлжалланган “Стад де Франс” стадионида бўлиб ўтди. Ўйиндан олдин мухлисларнинг шов-шувлари остида Макрон трибунадан тушиб, икки жамоа футболчилари билан қўл бериб кўришди.
Таъкидлашича, Макрон 2022 йилдан бери биринчи марта майдонда футболчиларни кутиб олган. Аввалги учта турнирда эса у мухлисларнинг ҳақорат ва масхараларидан қочиш учун стадион йўлагида финалчилар билан қўл бериб кўришгани қайд этилган.
Маълумот учун, Франция кубоги финалида Абдуқодир Ҳусановнинг собиқ жамоаси “Ланс” “Ницца”ни 3:1 ҳисобида мағлубиятга учратиб, кубок соҳиби бўлди.
Live
Барчаси
