Фоторепортаж: Японияда рўй берган 7 балли зилзиладан кейинги ҳолат қандай?

Аввал хабар берилганидек, жорий йилнинг 13 февраль куни Японияда 7 балли зилзила содир бўлди. Ушбу зилзила 150 га яқин одамга таъсир кўрсатди ва 950 минггача уй электрсиз қолди. 7,3 балли зилзила мамлакатнинг шимоли-шарқида яққол сезилган. Хусусан, пойтахт Токиода ҳам. Кейинчалик яна бир неча марта силкинишлар содир бўлди. Кўчкилар туфайли баъзи йўллар тўсиб қўйилган, тезюрар поездлар ҳаракати бузилган. “Фукусима-2” атом электр станциясида ишлатилган ядро ёқилғисини сақлаш учун ҳовузлардан радиоактив сувнинг бир қисми отилиб чиқди. Расмийларнинг фикрига кўра, бу ядровий ёқилғининг совишига таъсир қилмаган. Япониядаги зилзиланинг оқибатлари – QALAMPIR.UZ фоторепортажида.

Фукусима префектурасининг Ниҳонмацу шаҳридаги ҳалқа йўлидаги кўчки.

Фукусима префектурасидаги девор кучли зилзила оқибатида вайрон бўлди.

Фукусима префектурасининг Сома шаҳридаги эвакуация маркази.

Фукусима префектурасининг Коори шаҳридаги синган дарвоза.

Аёл дўконидаги синган идишларни тозаламоқда.

Бузилган йўл.

Кучли зилзила оқибатида юзага келган кўчки Фукусима префектурасининг Сома шаҳридаги Жобан тезюрар йўлини тўсиб қўйди.

Кутубхоналардан биридаги зилзила оқибатлари.

Фукусима префектурасининг Сома шаҳридаги зилзиладан кейин бузилган бино.

Ишчи спиртли ичимликлар дўконидаги синган бутилкаларни тозаламоқда.

Фукусима префектурасининг Иваки кўчасида кучли зилзила оқибатида бинонинг ташқи девори қулаб тушди.