Фирминьонинг отаси вафот этди
Спорт
−
20 Ноябрь 2023 2560
“Ливерпуль” клубининг собиқ ҳужумчиси Роберто Фирминьонинг отаси Дубайдаги оилавий байрам вақтида юрак хуружидан вафот этди. Бу ҳақда UOL хабар берди.
Манбага кўра, 18 ноябрь куни 62 ёшли Хосе Роберто Кордейрунинг юраги тўсатдан хуруж қилган.
Ҳозирда Фирминьолар оиласи марҳумнинг жасадини Кордейру туғилиб-ўсган Масейиога қайтариш учун Бразилиянинг БААдаги элчихонаси билан боғланишга ҳаракат қилмоқда.
Маълумот учун, ҳозирда Роберто Фирминьо Саудия Арабистонининг “Ал-Аҳли” клубида тўп тепмоқда. Жорий мавсумда бразилиялик футболчи “Ал-Аҳли”нинг 14 та учрашувида қатнашиб, 3 та гол урди ва 3 та голли узатмани амалга оширди. Футболчининг Саудия Арабистони клуби билан амалдаги шартномаси 2026 йилнинг ёзига қадар тузилган.
Live
БарчасиБухорода Ғиждувон деҳқон бозори ёнмоқда.
14 Декабрь
