Финляндия. Ўзбекистонлик боксчилар иккита медалга эга чиқишди

Спорт

−

08 Март 2020 visibility7833 timer1 дақиқа

Финляндия пойтахти Хельсинки шаҳрида бокс бўйича катталар ўртасида халқаро турнир ниҳоясига етди.

Аввал, мусобақага уч нафар боксчи билан борган Ўзбекистон терма жамоасининг икки аъзоси финалгача етиб борган эди.

Бугун мусобақа финали доирасида -57 кг вазнли ўзбекистонлик боксчи Абдумалик Халаков қозоғистонлик жаҳон чемпиони Қайрат Ералиевни 4:1 ҳисобида мағлуб этди. -63 кг вазнли Асадхўжа Мўйдинхўжаев эса қошидан олган жароҳат сабаб, финалда иштирок эта олмади ва кумуш медаль билан кифояланди.

Эслатиб ўтамиз, Иорданиянинг Амман шаҳрида бокс бўйича лицензион турнир давом этмоқда. Бугун Ўзбекистон терма жамоасининг икки нафар боксчиси Токио-2020 Олимпия ўйинлари йўлланмасини қўлга киритди.

Мақола муаллифи