FIFA ЖЧни 64 жамоали форматга ўтказишни кўриб чиқмоқда
Спорт
−
09:38 341 1 дақиқа
Халқаро футбол федерацияси (FIFA) Жаҳон чемпионати иштирокчилари сонини 64 та жамоагача кенгайтириш имкониятини ўрганиш учун мустақил комиссия тузишни режалаштирмоқда. Бу ҳақда журналист Роб Харрис ўзининг X ижтимоий тармоғида маълум қилди.
Харрис қўлга киритган FIFA ҳужжатидан парчаларни эълон қилди. Унда қайд этилишича, мустақил комиссия бозор талаби ҳамда ушбу қарорнинг тизимли оқибатларини баҳолайди.
Комиссиянинг йиғилиши жорий йилнинг 7 август куни ўтказилиши режалаштирилган. FIFA эса бир ҳафта ўтиб мазкур масала бўйича қарор қабул қилиши ва таҳлил натижаларини эса жорий йилнинг 11 сентябрь куни эълон қилиши кутилмоқда.
Эслатиб ўтамиз, 2026 йилги жаҳон чемпионати жорий йилнинг 11 июнидан 19 июлига қадар АҚШ, Канада ва Мексика мезбонлигида ўтказилди. Турнирда тарихда илк бор 48 та жамоа иштирок этди.
Live
Барчаси
