FIFA президенти электрон таблодан фойдаланишни ўрганди (Видео)

Халқаро футбол федерацияси (FIFA) раҳбари Жанни Инфантино футболчиларни алмаштириш учун электрон таблодан фойдаланишни ўрганди. Бу ҳақда ТАСС нашри хабар берди.

Кеча, 12 декабрь куни Доҳадаги “Ал Тумама” стадионида футбол афсоналари ва Қатардаги Жаҳон чемпионати мутасаддилари ўртасида ўртоқлик ўйини ташкил этилди. Танаффус вақтида Инфантино футбол ҳаками вазифасини бажарди ва 20 ҳамда 22 рақамлари ёзилган таблодан фойдаланиб кўрди. 

Учрашувда Бразилия терма жамоаси сафида икки карра жаҳон чемпиони Кафу, беш карра Англия чемпиони Жон Терри, 2002 йилги жаҳон чемпиони бразилиялик Роберто Карлос, 2006 йилги жаҳон чемпионати совриндорлари – италиялик Марко Матерацци, Алессандро дель Пьеро ва бошқа машҳурлар иштирок этди. 

Маълумот учун, футбол бўйича Жаҳон чемпионати илк бор Қатарда ўтказилмоқда. Турнирнинг ярим финалида Аргентина ва Хорватия, шунингдек, Франция ва Марокаш терма жамоалари тўқнаш келади. Учрашувлар 13 ва 14 декабрь кунлари бўлиб ўтади. Финал учрашуви 18 декабрь куни Лусаил шаҳридаги "Миллий" стадионда ўтказилади.