“Фенербаҳче” президенти озод қилинди

Бугун, 25 декабрь гиёҳванд моддалар билан боғлиқ тергов доирасида қўлга олинган ва тунни вилоят жандармерия қўмондонлигида ўтказган “Фенербаҳче” клуби президенти ва тадбиркор Садеттин Саран суд назорати остида озод қилинди. Бу ҳақда “Cumhuriyet” нашри хабар берди.

Кеча, 24 декабрь куни ушбу иш доирасида қўлга олинган Саран бугун, 25 декабрь куни тиббий кўрикдан ўтказилган. Шундан сўнг у Истанбулдаги Чағлаян суд биносига олиб келиниб, прокуратура олдида кўрсатма берган.

Маълум бўлишича, Саран берган кўрсатмасидан сўнг унга чет элга чиқишни тақиқловчи суд назорати қўлланилган. Кўрсатмасидан кейин эса суд уни ҳафтасига икки марта – душанба ва пайшанба кунлари имзо чекиш мажбурияти билан озод қилишга қарор қилган.

Маълумот учун, Садеттин Саран жорий йилнинг 20 декабрь куни “гиёҳванд моддаларни шахсий фойдаланиш учун сотиб олиш, қабул қилиш, сақлаш ёки истеъмол қилиш” айбловлари билан илк бор прокуратурага кўрсатма берган эди. Сараннинг суд-тиббиёт институтида топширилган соч намуналаридан кокаин моддаси аниқлан. Натижага эътироз билдирган Саран “Мен ҳаётимда ҳеч қачон бундай моддалардан фойдаланмаганман” дея баёнот берган ва хусусий лабораторияда қайта таҳлил топширган. Шундан сўнг у суд қарорига кўра, назорати остида озод қилинган.

Эслатиб ўтамиз, аввалроқ Садеттин Саран гиёҳванд моддалар бўйича тест ижобий чиққанидан сўнг ҳибсга олингани ҳақида хабар берилган эди.