“Фенербаҳче”нинг икки футболчиси “Галатасарой” расмийсини ургани учун шартли қамоқ жазосига ҳукм қилинди
Спорт
−
16 Январь 1054 1 дақиқа
“Фенербаҳче” клубининг икки футболчиси — голландиялик ҳимоячи Жейден Остервольде ва туркиялик ярим ҳимоячи Мерт Ҳакан Яндаш “Галатасарой” клуби расмийсига ҳужум қилгани учун 16 ойлик шартли қамоқ жазосига ҳукм қилинди. Бу ҳақда “Haberler” нашри хабар берди.
Манбага кўра, Истанбул суди футболчиларни “ҳужум ва калтаклаш” моддаси бўйича айбдор деб топган. Айблов хулосасига кўра, жабрланувчи “Галатасарой” стадиони директори Али Челиккиран бўлиб, тиббий хулосада унга бўйин суяги синиши ташхиси қўйилгани қайд этилган.
Мазкур ҳодиса 2024 йил май ойида икки жамоа ўртасидаги кескин Истанбул дербисидан сўнг содир бўлган.
Маълумот учун, жорий йилнинг 10 январь куни ҳам “Галатасарой” ва “Фенербаҳче” жамоалари ўртасида Туркия Суперкубоги финал учрашуви бўлиб ўтди ва унда “Фенербаҳче” 2:0 ҳисобида ғалаба қозонган ҳолда бош совринни қўлга киритди.
