Эроннинг “Мажид” зенит-ракета мажмуаси муваффақиятли синовдан ўтказилди

Эрон Ислом Республикаси армиясининг 1403-сонли “Ҳаво мудофааси қудрати” ҳаво ҳужумидан мудофаа машқларининг иккинчи босқичи бўлиб ўтди. Бу ҳақда “Iran Press” хабар берди.

Ушбу босқичда симуляция қилинган душманнинг кўплаб ҳужумчи дронлари фаол ва пассив ҳаво ҳужумидан мудофаа датчиклари ёрдамида муваффақиятли аниқланди ва тўхтатилди, шундан сўнг уларни зарарсизлантириш бўйича самарали тактик ҳаракатлар амалга оширилди.

Визуал кузатув тармоғи паст баландликдаги дрон ҳужумлари ҳақидаги маълумотларни аниқлаш ва мамлакатнинг ягона ҳаво мудофааси қўмондонлик ва бошқариш тизимига узатиш учун фойдаланилган.

Мудофаа машқлари пайтида “Мажид” зенит-ракета мажмуаси ўқув ҳудуди ҳаво бўшлиғидаги нишонга муваффақиятли тегди. Бу билан унинг синови ижобий якунланган.

Машғулотлар, шунингдек, радар, ракета ва алоқа тармоқларини ҳимоя қилиш учун кибермудофаа чораларини ўз ичига олган ҳолда, мудофаа тизимлари ва қўмондонлик марказлари ўртасидаги хавфсиз, кўп қатламли алоқа тизимларини синовдан ўтказди.

Эслатиб ўтамиз, аввалроқ Эрон Россиянинг Су-35 қирувчи самолётлари партиясини сотиб олгани ҳақида хабар берилганди. Мамлакат Қуролли кучлари марказий штаб-квартираси бошлиғи ўринбосарига кўра, бу қадам мамлакат ҳарбий салоҳиятини мустаҳкамлашга қаратилган.