Энцо Фернандес “Реал”га ўтиши мумкин

“Челси” ярим ҳимоячиси Энцо Фернандес ёзда клубни тарк этиб “Реал Мадрид”га ўтиши мумкин. Бу ҳақда журналист Бен Якобс хабар берди.

Энцо Фернандес Премьер-лиганинг сўнгги турида “Сандерленд”га қарши ўйиндан (1:2) кейин Лондон клуби мухлисларига ишора қилди. Кўпчилик бу ҳаракатни хайрлашув сифатида қабул қилди.

Журналист Бен Жейкобснинг хабар беришича, агар Испаниянинг “Реал Мадрид” клуби аниқ таклиф билан чиқса, аргентиналик ярим ҳимоячи Мадрид клубига ўтиши мумкин.

Манбага кўра, “Манчестер Сити” вакиллари ҳам футболчининг трансфери бўйича дастлабки ва норасмий алоқаларни ўрнатган.

Шунингдек, Фернандес Чемпионлар лигасида ўйнашни истаётгани таъкидланмоқда. “Челси”нинг муваффақиятсиз мавсуми эса, клуб учун футболчини янги шартнома имзолашга кўндиришни қийинлаштирмоқда.

Шу билан бирга, Лондон клуби ёзги трансфер ойнасида ярим ҳимоячини ноқулай молиявий шартларда сотиш ниятида эмас.

Маълумот учун, “Челси” жорий мавсумни Премьер-лигада 10-ўрин билан якунлади.