Электромобиллар учун 10 дақиқада қувватланадиган аккумулятор ишлаб чиқарилади

Япониянинг Toyota компанияси электромобиллар учун рекорд даражада тез қувватланадиган аккумулятор ишлаб чиқармоқчи. Бу ҳақда “Financial Times” хабар берди.

Корпорация вакиллари электромобиллар учун аккумуляторларни ишлаб чиқишда катта муваффақиятга эришганликларини айтди. Фирма муҳандисларининг сўзларига кўра, янги технология уларга 1200 километр масофани босиб ўтадиган қаттиқ ҳолатда аккумулятор ишлаб чиқариш имконини беради.

Toyota шунингдек, аккумуляторнинг зарядлаш тезлиги рекорд даражада бўлишини билдирди. Муайян шартлар бажарилса, батарея 10 дақиқа ёки ундан камроқ вақт ичида 100 фоизга қувватлана олади. Корпорация 2027 йилгача электромобиллар учун янги аккумуляторлар ишлаб чиқаришни йўлга қўйишга умид қилаётганини айтди.

Мутахассисларнинг сўзларига кўра, қаттиқ ҳолатдаги батареялар назарий жиҳатдан тезроқ қувватланиши ва узоқ масофани таъминлаши мумкин. Бундан ташқари, бундай батареялардан фойдаланиш хавфсизроқ, аммо уларнинг ишлаб чиқарилиши классик батареяларни яратишга қараганда анча мураккаб ва қимматроқ.

“Агар бу ҳақиқий ютуқ бўлса, бу ўйинни ўзгартирувчи, аккумуляторли автомобилларнинг муқаддас ғилофи бўлиши мумкин”, деди Бирмингем университетининг иқтисод профессори Девид Бейли Toyota постида.

Айтиш жоиз, жорий йилнинг апрель ойида Toyota вакиллари электромобиллар учун аккумуляторлар нархини икки баравар камайтириш истагини билдирган эди. Тегишли аккумуляторларнинг чиқарилиши 2027 йилга мўлжалланган.