Дунёнинг энг қиммат футбол клублари эълон қилинди

Transfermarkt дунёнинг энг қиммат футбол клублари рейтингини жамоаларнинг умумий бозор қиймати асосида янгилади. Унда “Реал Мадрид” клуби дунёнинг энг қиммат футбол клуби бўлди.

Маълумотларга кўра, рўйхатда “Реал Мадрид” етакчилик қилмоқда. Клубнинг таркиби 1,38 миллиард еврога баҳоланган. Иккинчи ўринни Лондоннинг “Арсенал” клуби 1,29 миллиард евро билан эгаллаган.

Учинчи ўринда “Манчестер Сити” ва “Пари Сен-Жермен” клублари турибди. Бу ҳар иккала клубнинг таркиби 1,19 миллиард еврога баҳоланган. Рейтингнинг кучли олтиталигидан “Челси” ва “Барселона” ҳам жой олган.

Алоҳида эътибор “Ноттингем Форест” клубига қаратилади. Премьер-лиганинг жорий мавсумида 17-ўринда турганига қарамай, Transfermarkt рўйхатида унинг умумий таркиби 620 миллион евро билан 13-ўринни эгаллаган.

Дунёнинг энг қиммат 10 та футбол клуби:

1.“Реал Мадрид” – 1,38 млрд евро;

2. “Арсенал” – 1,29 млрд евро;

3. “Манчестер Сити” – 1,19 млрд евро;

4. “Пари Сен-Жермен” – 1,19 млрд евро;

5. “Челси” – 1,18 млрд евро;

6. “Барселона” – 1,12 млрд евро;

7. “Ливерпуль” – 1,04 млрд евро;

8. “Бавария” – 981 млн евро;

9. “Тоттенхэм” – 879 млн евро;

10. “Манчестер Юнайтед” – 719 млн евро.